(Q62740)

Nid oedd llunio geiriadur yn un o ddibenion gwreiddiol sefydlwyr yr Academi ond ar ôl i'r Dr Bruce Griffiths a Mr Dafydd Glyn Jones gyflwyno dadl gref o blaid syniad o'r fath mewn cyfarfod ym 1974 fe gytunodd yr Academi i fwrw ymlaen â'r gwaith gyda chefnogaeth Cyngor y Celfyddydau. Fe gymerodd y gwaith lawer iawn mwy o amser i'w gwblhau nac a fwriadwyd ar y dechrau ond fe gynhyrchwyd cyfrol llawer helaethach na'r disgwyl hefyd. Cyhoeddwyd argraffiad cyntaf Geiradur yr Academi, neu'r Welsh Academy English-Welsh Dictionary, ym 1995.